日式「三鮮醬油」

「日式「三鮮醬油」」：點解叫「三鮮」？因為真係好鮮味！雖然叫三鮮，但提升鮮味的原材料絕對不止三樣。主體結構當然是我們自家釀曬、充滿氨基酸的頭抽，此為第一鮮；其次是日本味非常重的鰹魚，一打開蓋就聞到陣陣鰹魚香…

產品介紹

點解叫「三鮮」？因為真係好鮮味！

雖然叫三鮮，但提升鮮味的原材料絕對不止三樣。主體結構當然是我們自家釀曬、充滿氨基酸的頭抽，此為第一鮮；其次是日本味非常重的鰹魚，一打開蓋就聞到陣陣鰹魚香，此為第二鮮；然後就是海帶，海帶煲湯提鮮就用得多，估唔到和豉油一齊炮製，效果竟然如此神奇，是第三鮮。

呢款日式醬油研發咗好長時間，起碼試過十多次配方，最後先得出而家呢個版本。對比起頭抽滷水汁只試咗三次就已經好滿意，日式醬油花嘅時間確實多好多。因為要做出日本嘅味道，我必須深入了解正宗日式醬油係點，於是去各大超市瘋狂買返大大小小日本產醬油返嚟研究，再配合大量資料（連YouTube都睇），先至得出而家呢個製造方法同成份配方。

當然仲有一位功臣，就係我家姐。家姐喺日本住咗快十年，對日本味道相當熟悉。佢返香港探我哋嗰陣，當然要佢試味，佢嘅評語係：「味道相當濃郁，比起日本當地嘅醬油濃郁一倍，但日本人口味比較清淡，可能日本人會覺得太濃郁，唔知香港人會覺得點樣。」

產品特色

• 香港製造，堅持無添加味精、色素及防腐劑
• 以傳統頭抽為基底，層層提鮮
• 鮮味濃郁，一開蓋就有明顯鰹魚香
• 適合煮壽喜燒湯底、撈麵、蒸魚、滷肉或簡單蘸點

食用建議：：開封後請放入雪櫃冷藏，建議三個月內食用完畢。250毫升裝，方便家用。

想提升家常菜嘅鮮味層次，大孖醬園日式「三鮮醬油」絕對值得一試。